‘पीएमआरडीए’च्या हद्दीत ‘टीडीआर’ देण्यास सुरवात

PMRDA
PMRDA

पुणे - पुणे महानगर क्षेत्र विकास प्राधिकरणाकडून (पीएमआरडीए) हस्तांतरणीय विकास हक्क (टीडीआर) देण्यास सुरवात झाली आहे. पुणे महापालिका आणि पिंपरी-चिंचवड महापालिकेच्या हद्दीबाहेर प्रथमच ‘टीडीआर’ वापरून बांधकाम करणे शक्‍य होणार आहे. पहिल्या टप्प्यात प्रादेशिक विकास आराखडा आणि ॲमेनिटी स्पेसच्या जागांसाठीच ‘टीडीआर’ देण्यात येत आहे. विकास आराखडा तयार झाल्यानंतर सर्व प्रकाराच्या आरक्षणांसाठी तो दिला जाईल. 

पुणे आणि पिंपरी-चिंचवड महापालिकेच्या हद्दीबाहेर सुनियंत्रित विकास व्हावा, यासाठी राज्य सरकारकडून तीन वर्षांपूर्वी ‘पीएमआरडीए’ची स्थापना करण्यात आली. गेल्या वर्षी ११ डिसेंबरला ‘पीएमआरडीए’च्या हद्दीसाठी राज्य सरकारकडून बांधकाम नियमावली मंजूर करण्यात आली. या नियमावलीत ‘पीएमआरडीए’च्या हद्दीत आरक्षित जागा ताब्यात घेण्यासाठी ‘टीडीआर’ची तरतूद करण्यात आली. हद्दीचा विकास आराखडा तयार करण्याचेही काम ‘पीएमआरडीए’कडून अंतिम टप्प्यात आले आहे.

बांधकाम नियमावलीस चार महिन्यांपूर्वी राज्य सरकारकडून मान्यता मिळाली. त्या नियमावलीत ‘टीडीआर’ची तरतूद आहे. त्यानुसार ‘टीडीआर’ देण्यास सुरवात झाली असून, अद्याप एकही प्रस्ताव दाखल झालेला नाही.
- गणेश चिल्लाळ, सहायक नगररचनाकार, पीएमआरडीए

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com