- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पुणे : लॉकडाऊनच्या पाचव्या टप्प्यामध्ये विविध नियम शिथिल करण्यात आले आहेत. मात्र पुणे जिल्हा अंतर्गत, पुण्याबाहेर किंवा पुण्यात येण्यासाठी पोलिस पास गरजेचा असल्याचे पुणे पोलिसांनी स्पष्ट केले आहे.
पुणे शहरात अद्याप नागरिकांसाठी सार्वजनिक वाहतूक व्यवस्था सुरू करण्यात आलेली नाही. पुणे जिल्हा आणि परिसरात बारामती, इंदापूर, वालचंदनगर याच ठिकाणी एसटी सुरू आहे. यामुळे नागरिकांना प्रवास करण्यासाठी कोणतीही सार्वजनिक वाहतूक उपलब्ध नाही. पर्यायाने नागरिकांना खासजी वाहनांचा वापर करावा लागत आहे. अशावेळी प्रतिबंधित क्षेत्रांमधील नागरिक इतरत्र प्रवास करण्याची शक्यता नाकारता येत नाही. तसे झाल्यास कोरोनाचा प्रादुर्भाव आणखी वाढू शकतो. त्यामुळे पुढील आदेश येईपर्यंत पुण्यातील प्रवासासाठी पास काढणे गरजेचे आहे.
पास कोणत्या कारणासाठी काढण्यात येत आहे तसेच संबंधित वाहनातून किती प्रवासी प्रवास करणार आहे. याबाबत पूर्वी असलेले नियम कायम राहणार आहेत, असे पोलिसांकडून स्पष्ट करण्यात आले.
केंद्र सरकारने पाचवा लाॅकडाऊन जाहीर करताना दिलेल्या सवलती महाराष्ट्र सरकारने देण्यास नकार दिला आहे. त्यामुळे राज्यातील अनेक बाबी उघडण्यास परवानगी मिळणार नाही. तसेच एकूण संख्येच्या निम्मीच दुकाने सुरू राहतील, अशी व्यवस्था केली आहे. हाॅटेल आणि रेस्टाॅरंटही बंद राहतील. प्रार्थनास्थळेही सर्वांसाठी खुली करण्यास परवानगी मिळालेली नाही. खासगी कार्यालये दहा टक्के क्षमतेने सुरू करता येणार आहे. कार्यालय सुरू होणार असल्याने आता नोकरदारांची कामाच्या ठिकाणी किंवा शहरात येण्यासाठी लगबग सुरू झाली आहे. मात्र शहरात येण्यासाठी पास आवश्यक आहे की नाही याबाबत त्यांच्या मनात संभ्रम आहे. तसेच केंद्र आणि राज्य सरकारचे नियम वेगवेगळे आहेत. त्यामुळे देखील नागरिकांचा गोंधळ होत असल्याचे पहायला मिळते.
पुण्यात येण्यासाठी किंवा इकडून बाहेर जाण्यासाठी अद्याप पूर्णतः वाहतूक खुली करण्यात आलेली नाही. त्यामुळे प्रवासाबाबत पूर्वीचे जे नियम आहेत तेच पुढील आदेश येईपर्यंत कायम असणार आहेत. आत्तादेखील पास मिळण्यासाठी अनेक अर्ज आलेले आहेत. छाननी करून त्यांना मंजुरी देण्यात येत आहे. -बच्चन सिंग, पोलिस उपायुक्त, गुन्हे शाखा
- पुण्याच्या बातम्या वाचण्यासाठी येथे क्लिक करा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.