पुणे जिल्ह्यात ३१७१ रुग्ण झाले कोरोनामुक्त; तर 'इतके' नवे कोरोना रुग्ण आढळले

पुणे : पुणे जिल्ह्यात रविवारी (ता.९) दिवसभरात २ हजार ७५८ नवे कोरोना रुग्ण आढळून आले आहेत. यामध्ये पुणे शहरातील १ हजार ३९० जणांचा समावेश आहे. दरम्यान, रविवारी दिवसभरात ३ हजार १७१ रुग्ण कोरोनामुक्त झाले आहेत.

पुणे शहरातील सर्वाधिक रुग्णांपाठोपाठ पिंपरी-चिंचवडमध्ये १ हजार ९२, जिल्हा परिषदेच्या कार्यक्षेत्रात १९८, नगरपालिका क्षेत्रात ६१ आणि कॅंटोन्मेंट बोर्डाच्या कार्यक्षेत्रात १७ नवे रुग्ण सापडले आहेत.

- पुरंदरला फळे आणि भाजीपालाचे निर्यात केंद्र उभारावे; व्यापाऱ्यांनी शरद पवारांकडे केली मागणी​

रविवारी दिवसभरात ५५ रुग्णांचा मृत्यू झाला आहे. कोरोनाचे नवे रुग्ण आणि रुग्णांच्या मृत्यूंची संख्या ही शनिवारी (ता.८) रात्री ९ वाजल्यापासून रविवारी (ता. ९) रात्री नऊ वाजेपर्यंतची  आहे. रविवारी मृत्यू झालेल्यांमध्ये पुणे शहरातील सर्वाधिक २८ जण आहेत. पिंपरी-चिंचवडमधील ८, जिल्हा परिषद कार्यक्षेत्रातील १६ आणि नगरपालिका व कॅंंटोन्मेंट बोर्डाच्या कार्यक्षेत्रात मिळून तीन रुग्णांचा मृत्यू झाला आहे. 

दरम्यान, रविवारी दिवसभरात ३ हजार १७१ रुग्ण कोरोनामुक्त झाले आहेत. यामुळे आतापर्यंत कोरोनामुक्त झालेल्या रुग्णांची संख्या आता ७९ हजार ५९७ झाली आहे. कोरोनामुक्त झालेल्यांमध्ये पुणे शहरातील ४८ हजार ६१४ जण आहेत.

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)