पुणे : पुणे जिल्ह्यात रविवारी (ता. १४) दिवसभरात २५४ नवे कोरोना रुग्ण आढळून आले आहेत. शनिवारच्या तुलनेत रविवारी नवीन रुग्ण संख्येत ९ ने वाढ झाली आहे. दिवसभरात जिल्ह्यात ४ रुग्णांचा मृत्यू झाला आहे.
याऊलट २३३ जण कोरोनामुक्त झाले आहेत. रविवारी दिवसभरातील पुणे जिल्ह्यातील कोरोनामुक्त रुग्णांची संख्या शनिवारच्या तुलनेत कमी झाली आहे. दिवसातील एकूण रुग्णांत पुणे शहरातील १०८ नवीन रुग्ण आहेत. शहरातील नवीन रुग्णांतही १६ ने वाढ झाली आहे.
पुणे जिल्ह्यातील एकूण मृत्यूमध्ये पुणे शहरातील दोन आणि पिंपरी चिंचवड व जिल्हा परिषद कार्यक्षेत्रातील प्रत्येकी एका रुग्णाचा समावेश आहे. दिवसातील एकूण रुग्णांत शहरातील १०८ रुग्णासोबतच पिंपरी चिंचवडमधील ५२, जिल्हा परिषद कार्यक्षेत्रातील ७९, नगरपालिका हद्दीतील १२ आणि कॅंटोन्मेंट बोर्ड क्षेत्रातील तीन नवे रुग्ण आहेत.
एकूण कोरोनामुक्त रुग्णात पुणे शहरातील ९४, पिंपरी चिंचवडमधील ५९, जिल्हा परिषद कार्यक्षेत्रातील ५६, नगरपालिका हद्दीतील १८ आणि कॅंटोन्मेंट बोर्ड क्षेत्रातील तीन जण आहेत. सद्यःस्थितीत पुणे जिल्ह्यात २ हजार ५८ सक्रीय कोरोना रुग्ण आहेत. यापैकी १ हजार ९४ रुग्णांवर विविध रुग्णांलयात उपचार सुरु आहेत. उर्वरित ९६४ जण गृह विलगीकरणात आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.