पुणे: धायरीत बॉम्बसदृश वस्तू सापडल्याने खळबळ

पुणे : धायरीत बॉम्बसदृश वस्तू सापडल्यामुळे परिसरात जिवंत बॉम्ब सापडल्याची अफवा पसरली होती. त्यामुळे परिसरातील नागरिकांमध्ये काहीकाळ भिती निर्माण झाली होती. 

धायरी रस्त्यावर गुरुवारी दुपारी सव्वा दोन वाजता कचराकुंडीजवळ बॉम्बसदृश्य वस्तू कचरावेचकांना संबंधित वस्तु आढळली. त्यांनी तत्काळ पोलिसांना खबर दिली. सिंहगड पोलिसांनी घटनास्थळी धाव घेत तपासनी केली असता युद्धप्रसंगी वापरले जाणारे बॉम्बसदृश्य रणगाडाविरोधी बुलेट सापडले आहे. 

सदर वस्तू परिसरात कोठून आली याबाबत पोलिस तपास करत आहे. तुर्तास सदर वस्तू पुणे लष्कराकडे सोपविण्यात आले आहे.