Pune : कात्रज - कोंढवा रस्त्यावर अपघातात पती-पत्नी जागीच ठार

पुणे - कात्रज-कोंढवा रस्त्यावरील इस्कॉन मंदिरासमोरील चौकाजवळ आरएमडी शाळेजवळ अपघातात पती-पत्नी जागीच ठार झाले. हा अपघात शुक्रवारी (ता. १२) सकाळी साडेसातच्या सुमारास झाला.

ज्ञानेश्वर वाल्मिक लवांडे (वय ५०, रा. बाणेर गाव, पुणे) आणि उषा ज्ञानेश्वर लवांडे (वय ४५) अशी मृत्युमुखी पडलेल्या दांपत्याचे नाव आहे.

पोलिसांनी दिलेल्या माहितीनुसार हे दांपत्य बाणेरवरून कोथळे पुरंदरकडे दहाव्याच्या कार्यक्रमासाठी दुचाकीवर जात होते. ते कात्रज-कोंढवा रस्त्यावरील इस्कॉन मंदिरासमोरील चौकात आरएमडी शाळेजवळ आल्यानंतर त्यांना अज्ञात वाहनाने धडक दिली. या अपघातात त्यांचा जागीच मृत्यू झाला. अपघातानंतर कोंढवा पोलिस घटनास्थळी दाखल झाले.