पुणे-लडाख मैत्रीपर्व सुरू - खासदार नामग्याल

बालगंधर्व रंगमंदिर - पुणे-लडाख मैत्रीपर्वाचा प्रारंभ खासदार जामयांग नामग्याल यांच्या उपस्थितीत एका रोपट्याला पाणी घालून बुधवारी झाला.
बालगंधर्व रंगमंदिर - पुणे-लडाख मैत्रीपर्वाचा प्रारंभ खासदार जामयांग नामग्याल यांच्या उपस्थितीत एका रोपट्याला पाणी घालून बुधवारी झाला.

पुणे - ‘फक्त सोशल मीडियामध्ये ॲक्‍टिव्ह राहू नका, तर रस्त्यावर उतरून प्रत्यक्ष कृती करा. समाजाच्या अनेक क्षेत्रांत काम करण्याची संधी आहे. त्याचा उपयोग करून घ्या,’’ असा सल्ला देतानाच राजकारणाबद्दल तिरस्कार करू नका, तर त्यात सहभागी होऊन समाज बदलण्याच्या प्रक्रियेत मोठ्या संख्येने सहभागी व्हा, असे आवाहनही लडाखचे युवा खासदार जमयांग नामग्याल यांनी बुधवारी युवकांना येथे केले.

पुणे-लडाख नव्या मैत्रीपर्वाचा प्रारंभ करण्यासाठीचा हा सोहळा महाराष्ट्र साहित्य कलाप्रसारिणीचे कार्याध्यक्ष सचिन ईटकर, सावित्रीबाई फुले पुणे विद्यापीठाच्या व्यवस्थापन समितीचे सदस्य राजेश पांडे, संवाद पुणेचे अध्यक्ष सुनील महाजन, महाएनजीओ फेडरेशनचे संस्थापक शेखर मुंदडा यांनी आयोजित केला होता. राष्ट्रीय मानवाधिकार आयोगाचे सदस्य ज्ञानेश्वर मुळे अध्यक्षस्थानी होते.

सावित्रीबाई फुले पुणे विद्यापीठाचे कुलगुरू डॉ. नितीन करमळकर प्रमुख पाहुणे होते. खासदार गिरीश बापट, डॉ. अब्दुल कलाम फाउंडेशनचे सुजनपालसिंह तसेच अनुपम भटनागर उपस्थित होते.

‘सरहद’चे संजय नहार, प्रोग्रेसिव्ह एज्युकेशन सोसायटीच्या सचिव डॉ. निवेदिता एकबोटे, सुजनपालसिंह यांनी मनोगत व्यक्त केले. ईटकर यांनी स्वागत केले. राजेश पांडे यांनी प्रास्ताविकात मैत्रीपर्वामुळे पुणे आणि लडाखमध्ये नवा इतिहास घडेल, असा विश्वास व्यक्त केला. सुधीर गाडगीळ यांनी सूत्रसंचालन केले. शेखर मुंदडा यांनी आभार मानले. या वेळी नामग्याल यांना सूर्यदत्ता ग्रुपतर्फे संजय चोरडिया यांनी सूर्यदत्ता नेशन इंटिग्रेशन ॲवॉर्ड प्रदान केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com