पुणे : फ्लेक्‍सवरील कारवाईसाठी ९० लाखाची निविदा | Sakal
sakal

बोलून बातमी शोधा

pune Municipal Corporation issue Tender Rs 90 lakhs for action remove Flex

पुणे : फ्लेक्‍सवरील कारवाईसाठी ९० लाखाची निविदा

पुणे : शहरातील फ्लेक्स काढण्यासाठी बिगारी व इतर मनुष्यबळ नसल्याने महापालिकेने एप्रिल २०२२ ते मार्च २३ या वर्षभरासाठी तब्बल ८९ लाख रुपयांची निविदा काढली आहे. एवढ्या मोठ्या प्रमाणात मनुष्यबळासाठी निविदा काढल्यानंतर परिणामकारक कारवाई होणार का? असा प्रश्‍न उपस्थित होत आहे.

शहराच्या मध्यवर्ती भागासह उपनगरांमधील प्रत्येक रस्त्यावर, चौकात सर्वच राजकीय पक्षाचे पदाधिकारी, माजी नगरसेवक, इच्छुक उमेदवार यांचे राजकीय व व्यावसायिक फ्लेक्स लावले जात आहेत. यामुळे पादचारी मार्ग, रस्त्यांवर चालण्यासाठी जागाही राहत नाही. अशी स्थिती असताना महापालिकेकडून कारवाई केली जात नसल्याची टीका होते. क्षेत्रीय कार्यालयांकडे मनुष्यबळ नाही म्हणून कारवाई करण्यावर मर्यादा येत असल्याचा दावा प्रशासनाकडून केला जातो. ‘सकाळ’ने गेल्या चार दिवसांपासून शहरातील फ्लेक्सचा प्रश्‍न गांभीर्याने मांडून प्रशासनाला जागे केले व चमकोगिरी करणाऱ्यांना लगाम लावला आहे. याच पद्धतीने पुढेही काम करण्यासाठी प्रशासनाने निविदा काढली आहे.

या निविदेमध्ये शहराच्या विविध भागात उभारण्यात येणारे अनधिकृत जाहिरात फलक, बोर्ड, बॅनर, फ्लेक्स यासह इतरावर कारवाई करण्यासाठी ११ एप्रिल पर्यंत अर्ज मागविले आहेत. त्यासाठी वर्षभरासाठी ८० लाख २७ हजार रुपयांची तरतूद उपलब्ध करून दिली आहे. दरम्यान, मनुष्यबळ कमी असल्याचे कारण वारंवार समोर केले जात होते. महापालिकेकडून आता निविदा काढण्यात आल्याने भविष्यात परिणामकारक कारवाईची अपेक्षा आहे.

Web Title: Pune Municipal Corporation Issue Tender Rs 90 Lakhs For Action Remove Flex

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top