पुणे-नाशिक हायस्पीड रेल्वे प्रकल्प दृष्टिपथात - शिवाजीराव आढळराव पाटील

शिक्रापूर - बहुप्रतीक्षित पुणे-नाशिक हायस्पीड रेल्वे प्रकल्पाच्या सविस्तर प्रकल्प अहवालास मध्य रेल्वेने नुकतीच मंजुरी दिली आहे. रेल्वेच्या प्राधान्याने पूर्ण करावयाच्या प्रकल्प यादीत (पिंक-बुकमध्ये) हा प्रकल्प समाविष्ट करण्यात आल्याची माहिती शिवसेना उपनेते व माजी खासदार शिवाजीराव आढळराव पाटील यांनी दिली.

ताज्या बातम्यांसाठी डाऊनलोड करा ई-सकाळचे ऍप

या लोहमार्गासाठी जमीन अधिग्रहण प्रक्रिया लवकरच सुरू होणार आहे. मुख्यमंत्री उद्धव ठाकरे यांनीही या प्रकल्पाला तातडीने पूर्ण करण्यासाठी ज्या-ज्या अडचणी आहेत त्यांची सूची पाठविण्याची सूचना केल्याचे आढळराव पाटील यांनी सांगितले. १९९५-९६ पासून अनेक चढ-उतार व अनेक सरकारे पाहिलेल्या पुणे-नाशिक रेल्वे प्रकल्पाला २४ फेब्रुवारी २०१२ मध्ये प्रकल्प परतावा ४.११ एवढा चांगला आल्याने या प्रकल्पाला केंद्र सरकारने होकार देत ५० टक्के राज्य-केंद्र असा निकष लावला. 

पिंपरी-चिंचवड : अर्थसंकल्पनिर्मितीला लागले पाच महिने

दरम्यान, या प्रकल्पाचा डीपीआर रेल्वे बोर्डाने दोन महिन्यांपूर्वी केंद्र सरकारकडे पाठवीत या डीपीआरला नुकतीच मंजुरी दिली व हा प्रकल्प पिंक-बुकमध्ये समाविष्ट केल्याचे लेखी स्वरूपात आपल्याला कळविल्याचे आढळराव यांनी सांगितले. पर्यायाने बहुप्रतीक्षित पुणे-नाशिक हायस्पीड रेल्वे प्रकल्पाच्या कामाचा प्रारंभ दृष्टिक्षेपात आला असून या प्रकल्पासाठीची जमीन अधिग्रहण प्रक्रिया लवकरच सुरू होणार असल्याचेही महारेलने कळविल्याचेही आढळराव यांनी सांगितले.