शेतकऱ्यांना अनुदान देत नसल्याच्या निषेधार्थ बारामतीत सेनेचे 'ढोल बजाओ'

शेतकऱ्यांना अनुदान देत नसल्याच्या निषेधार्थ बारामतीत सेनेचे 'ढोल बजाओ'

बारामती : राज्य शासनाने पेरण्यांसाठी दहा हजारांचे अनुदान जाहीर करूनही जिल्हा बँका हे अनुदान शेतकऱ्यांना देत नसल्याच्या निषेधार्थ शिवसेनेच्या वतीने आज बारामतीतील पुणे जिल्हा मध्यवर्ती सहकारी बँकेच्या दारात ढोल बजाओ आंदोलन करण्यात आले. 

शिवसेनेचे जिल्हाप्रमुख बाबासाहेब धुमाळ, उपजिल्हाप्रमुख अँड. राजेंद्र काळे, तालुकाप्रमुख बाळासाहेब शिंदे, वाहतूक सेनेचे जिल्हाध्यक्ष राजेंद्र पिंगळे, युवा सेना जिल्हाध्यक्ष राहुल शिंदे, महिला आघाडीच्या तालुका प्रमुख सुनीता खोमणे, शहरप्रमुख संगीता पोमणे, विश्वास मांढरे, शहाजी दळवी, सतीश काटे, राजेंद्र साळुंके, अनिल शेडगे, सदाशिव परकाळे, पप्पू काटे, गजानन ढमाळ, उमेश दुबे, सुदाम गायकवाड, हेमंत शहा, दादा दळवी आदी उपस्थित होते. 

बाबासाहेब धुमाळ व राजेंद्र काळे यांनी व्यवस्थापक इंद्रसेन पवार यांना याबाबत निवेदन दिले. बँकेला 22 जून रोजी शासनाने दहा हजार रुपये अनुदानाच्या मदतीबाबत निर्देश दिलेले असतानाही बँकेने अद्याप एकाही शेतकऱ्याला मदत केलेली नाही, याचा त्यांनी निषेध केला. जिल्हा बँकेने शेतकऱ्यांना पेरणीसाठी तातडीने मदत उपलब्ध करून द्यावी, अशी मागणीही शिवसेनेच्या वतीने यावेळी करण्यात आली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com