पाऊस सुरू झाल्याने मेंढपाळ परतीच्या मार्गावर...

पाऊस सुरू झाल्याने मेंढपाळ परतीच्या मार्गावर...

टाकळी हाजी (शिरूर, जि. पुणे): वेशीच्या बाहेर माळरानावर, पडीक शेतजमिनीवर मेंढपाळाची पाले हमखास दिसतात. ऊन, वारा, पावसाच्या धारा अंगावर झेलत मेंढपाळ आपली जनावरे सांभाळत असतात. बिबट्यासारख्या वन्यप्राण्यांपासून आपल्या कळपाचे रक्षण करत व्यवसायाला भरभराटीला आणतात. मॉन्सूनचा पाऊस सुरू झाल्याने शिरूर तालुक्‍याच्या पश्‍चिम भागात आता मेंढपाळ परतीच्या मार्गाने जाताना पाहावयास मिळत आहेत.

दीपावलीनंतर चाऱ्याच्या शोधात मेंढपाळ घाटाकडे, कोकणात जातात. आठ महिने जनावरांना खाद्य उपलब्ध होईल, या आशेवर रानोमाळ ते भटकंती करतात. एका कळपात जास्तीत जास्त 60 ते 100 मेंढ्या सांभाळल्या जातात. पती मेंढपाळ असेल, तर पत्नी दररोज वेगवेगळ्या ठिकाणच्या मुक्कामाची व्यवस्था करते. त्यासाठी घोडा हे साधन वापरले जाते. या घोड्यावर मुक्कामासाठी तंबू, कोंबड्यासाठी डारले, संसारोपयोगी वस्तू वाहतूक केल्या जातात. एक जोडपे जवळपास आठ महिने भटकंती करत व्यवसाय करताना दिसतात. सध्या घाटमाथा व कोकणातून परतीच्या मार्गावर जाणारे मेंढपाळ दिसू लागले आहेत. शिरूर तालुक्‍यातील पश्‍चिम पावसाने हजेरी लावल्याने गावाच्या बाहेर, माळरानावर असे मेंढपाळ दिसू लागले आहेत.

"मेंढपाळांच्या मुलांसाठी सरकारने मदत केली पाहिजे. मुलांना आश्रम शाळेत घालून हा व्यवसाय करत असतो. सुटी लागली की मुलेदेखील या व्यवसायाला हातभार लावण्यासाठी बरोबर येतात,'' असे कोहकडी (ता. पारनेर) येथील अजित टकले यांनी सांगितले.

■ ई सकाळवरील महत्वाच्या बातम्या

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com