पुणे (हडपसर): रामटेकडी औद्योगिक वसाहतीतील महापालिकेच्या नियोजीत नवीन कचरा डेपो विरोधात शिससेनेच्यावतीने यावेळी मुख्यमंत्री देवेंद्र फडणवीस व महापौर यांच्या फलकावर कचरा टाकून कचरा अभिषेक घालण्यात आला व रस्ता रोको आंदोलन करण्यात आले.
रद्द करा, रद्द करा कचरा डेपो रदद् करा, महापौरांच करायच काय खाली डोके व वर पाय अशा धोषणा देत महापालिकेच्या या निर्णयाचा शिवसैनिकांनी निषेध व्यक्त केला. सोलापूर रस्तायवरील वर्दळीच्या रामटेकडी चौकात हे आंदोलन झाल्याने चौकाच्या दुर्तफा वाहनांच्या लाब रांगा लागून मोठया प्रमाणात वाहतूक कोंडी झाली.
माजी आमदार महादेव बाबर यांच्या नेतृत्वाखाली झालेल्या या आंदोलनात अमोल हरपळे, तानाजी लोणकर, राजेंद्र बाबर, विक्रम लोणकर, दिलीप कवडे, राम खोमणे, भरत चौधरी, नगरसेविका संगिता ठोसर, गंगाधर बधे, सतीश कसबे, जानमहमद शेख यांसह मोठया संख्येने शिवसैनिक सहभागी झाले होते.
बाबर म्हणाले, महापालिकेला हडपसरला कचरा नगरी करावयाची आहे. त्यामुळे जीव गेला तरी चालेल, प्रसंगी रस्त्यावर झोपेने. मुख्यमंत्री अथवा कच-याची एकही गाडी याठिकाणाहून जावू देणार नाही. नागरिकांच्या आरोग्याचा प्रश्न असल्याने कचरा डेपो विरोधात हवे ते करायची प्रत्येक शिवसैनिकाची तयारी आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.