पुण्याच्या प्रदूषणात किंचित वाढ; ‘अनलॉक’नंतर नागरिकांची वर्दळ 

pune-pollution
pune-pollution

पुणे - लॉकडाउनमध्ये पुण्यातील हवेची गुणवत्ता ही चांगल्या श्रेणीची नोंदली गेली होती; परंतु लॉकडाउन शिथिल झाल्यानंतर प्रदूषणात किंचित वाढ झाली. नागरिकांची वर्दळ आणि वाहनांच्या रहदारीमुळे हवेची गुणवत्ता आता चांगल्या श्रेणीतून समाधानकारक श्रेणीत पोचली आहे. 

जूनमध्ये शहरातील विविध खासगी आणि सरकारी कार्यालयांमध्ये कामकाज सुरू झाले. तसेच अनलॉक १.० मुळे नागरिकही घराबाहेर पडत आहेत. त्यामुळे हवेची गुणवत्ता समाधानकारक असल्याचे महाराष्ट्र प्रदूषण नियंत्रण मंडळाच्या (एमपीसीबी) आकडेवारीतून स्पष्ट झाले. २३ ते ३० जूनपर्यंत शहरातील हवेची गुणवत्ता ५१ ते १०० च्या मध्ये (मायक्रोग्रॅम प्रतिक्‍यूबिक घनमीटर) नोंदविली आहे. 

पुण्याच्या बातम्या वाचण्यासाठी येथे ► क्लिक करा

भारतीय उष्ण कटिबंधीय हवामानशास्त्र संस्थेच्या (आयआयटीएम) निरीक्षणानुसार जूनच्या सुरवातीस झालेल्या पावसामुळे प्रदूषणात जास्त वाढ झाली नाही; परंतु त्याचा अभ्यास  सुरू आहे, अशी माहिती आयआयटीएमचे शास्त्रज्ञ डॉ. गुफ्रान बेग यांनी दिली.

सफरद्वारे घेतलेल्या निरीक्षणातून असे समजले की, जून महिन्यातील काही दिवसांच्या पावसामुळे देशातील विविध शहरांमध्ये पीएम २.५ आणि नायट्रोजन ऑक्‍साईडमध्ये काही प्रमाणात घट झाली. मात्र, यामागचे संपूर्ण कारण अस्पष्ट आहे. तसेच आयआयटीएममार्फत या संबंधातील अभ्यास सुरू आहे.
- डॉ. गुफ्रान बेग, शास्त्रज्ञ, आयआयटीएम

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com