पुणे स्टार्टअप फेस्ट २० चे आयोजन

पुणे - 'सीओईपी’कडून पुणे स्टार्टअप फेस्ट २०चे आयोजन करण्यात आले आहे. याअंतर्गत नवउद्योजक आणि स्टार्टअपना आपल्या कल्पना अनेक गुंतवणूकदार, मार्गदर्शक तसेच जनसामान्यांसमोर मांडण्याची संधी मिळणार आहे.

ताज्या बातम्यांसाठी डाऊनलोड करा ई-सकाळचे ऍप

डॉ. माधुरी कर्णिक व राहुल आढाव यांच्या मार्गदर्शनाखाली होणाऱ्या पुणे स्टार्टअपच्या पहिल्या आवृत्तीला चांगला प्रतिसाद मिळाला. यंदाही ‘सीओईपी’ने १५ आणि १६ फेब्रुवारी २०२० रोजा पुणे स्टार्टअप फेस्ट २० या दुसऱ्या आवृत्तीचे आयोजन केले आहे. द्वितीय आवृत्तीचे आयोजन करताना १३०+ स्टार्टअप टेक्‍निकल झोन, स्टुडंट झोन, सोशल झोन, ॲग्रिकल्चर झोन, लाइफस्टाईल झोन व इनोव्हेशन झोन या विभागांमध्ये विभागले जातील. यशस्वी उद्योजक होऊ पाहणाऱ्या ‘आयपीआर’ किंवा पेटंट असलेल्या महत्त्वाकांक्षी कल्पना सादर करण्यासाठी ‘इनोव्हेशन झोन’ हा विशेष विभागही यंदा सहभागी करण्यात आला आहे. १०० हून अधिक गुंतवणूकदार व मार्गदर्शक तसेच उद्योजकता क्षेत्रातील प्रभावी व्यक्तिमत्त्वांच्या व्याख्यानमाला हे पुणे स्टार्टअप फेस्ट २०चे मुख्य आकर्षण आहे.