पुणे : 'एसजीएस' मॉलमध्ये आढळली संशयास्पद वस्तु

पुणे : लष्कर परिसरातील 'एसजीएस' मॉलमध्ये बॉम्बसदृश्य संशयित वस्तु आढळल्याची चर्चा पुण्यात सुरु आहे. याबाबत घटनास्थळी पोलिस दाखल झाले असून तपास सुरु आहे. 

"एसजीएस मॉलमध्ये मिठाईचे बॉक्स संशयास्पदरित्या आढळले आहेत. त्यामध्ये नेमके काय आहे, याविषयी बिडिडीएसचे पथक घटनास्थळी दाखल झाले आहे." असे बीडीडीएसचे पोलिस निरीक्षक विजय शिंदे यांनी सांगितले.

पोलिसांनी दिलेल्या माहितीनुसार, याबाबत पोलिस नियंत्रण कक्षाला दुपारी 12 वाजुन 5 मिनिटांनी फोन आला  होता. त्यानुसार बॉम्ब शोधक व नाशक विभागाचे एक पथक घटनास्थळी रवाना झाले असून त्यांच्याकडुन तपासणी सुरु आहे. त्यामुळे मॉलच्या परिसरात लोकांना जाण्यास मनाई करण्यात आली असून घटनास्थळी बंडगार्डन पोलिस दाखल झाले आहेत.