अशी केली वाहतूक पोलिसांनी पुणेकरांची कोंडीतून सुटका

Pune Traffic Police
Pune Traffic Police

पुणे : मंगळवारी पहाटेप्रमाणेच रात्रीही कोसळलेल्या धुवाधार पावसाने पुण्याची अक्षरशः दैना उडाली. रस्त्या-रस्त्यांवर वाहणारे पावसाच्या पाण्याचे लोंढे, चौका-चौकांत झालेली वाहतूक कोंडी असे चित्र दिसत होते. पुणे वाहतूक पोलिसांच्या तत्परेमुळे रात्री काही भागातील वाहतूक कोंडी सोडिवण्यास मदत झाली.

भर पावसात कोंडी सोडवून वाहतूक पोलिसांची त्यांचे कर्तव्य बजावले. ट्विटरवर पुणे पोलिसांच्या या कामाचे पुणेकरांनी कौतुक केले आहे. #PuneTrafficPolice असा ट्रेंड सुरु आहे. पुणे वाहतूक पोलिसांनी शहरातील वाहतूक कोडी सोडवितानाचे काही फोटो आणि व्हिडिओ ट्विटरवर पोस्ट केले. ''आम्ही आमच्या शहर आणि नागरिकांच्या सेवेसाठी सदैव तत्पर आहोत'' असे ट्विटमध्ये म्हटले आहे.

अशी होती पुण्यात वाहतूकीची स्थिती
- नगर रस्त्यावर वाघोलीच्यादरम्यान वाहतूक कोंडी झाल्याने दोन्ही बाजूंना दूरपर्यंत वाहनांच्या रांगा लागल्या होत्या. तीच स्थिती सातारा रस्त्यावर स्वारगेटच्या परिसरात होती. 
- पुणे-बंगळूर महामार्गावर (कात्रज-देहू रस्ता बाह्यवळण) दोन्ही बाजूंना पाणी साचले होते. त्यामुळे वाहतुकीचा वेग मंदावला होता. 
- सूस, पाषाण रस्त्यावरून पावसाचे पाणी वेगाने वाहत येऊन, सखल भागात साचत होते. 
- सिंहगड रस्त्यांवर पावसाच्या पाण्याचा जोर इतका भयंकर होता की, त्यामुळे आनंदनगर परिसरात रस्त्याच्या कडेला लावलेल्या दुचाकीही पडल्या. 
- पौड रस्त्यावर भूगावमध्ये वाहनांच्या दोन-दोन किलोमीटरच्या रांगा लागल्या होत्या.

 अशी सोडविली वाहतूक पोलिसांनी हिंजवडीतील कोंडी
''हिंजवडीवरून पुण्याकडे येणारा १८ किलोमीटरच्या प्रवासासाठी मंगळवारी रात्री तब्बल अडीच ते तीन तास लागले. वाकड उड्डाण पुलाच्या परिसरात पाणी साचले होते. पावसाच्या मुसळधार सरी आणि त्याच वेळी रस्त्यांवर गुडघाभर पाणी यातून वाहन चालवण्यासाठी चालकांना कसरत करावी लागली. त्यामुळे वाहतुकीचा वेग मंदावला होता.''
-  शशांक भंडारी, अभियंता 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com