पुणे विद्यापीठाच्या निकालाचे सुत्र जाहीर; कसा लागणार निकाल वाचा सविस्तर

पुणे : सावित्रीबाई फुले पुणे विद्यापीठाने पदवी, पदव्युत्तर पदवीचा अंतीम वर्ष वगळता इतर वर्षाच्या विद्यार्थ्यांचा निकाल लावण्यासाठी सुत्र निश्‍चीत केले आहे. यामध्ये अंतर्गत मूल्यमापनावर 50 टक्के आणि पूूर्वीच्या सत्र/ वर्षातील गुणांवर 50 टक्के क्षेणी मिळणार आहे. त्यामुळे विद्यार्थ्यांची अभ्यास व इतर कामगिरीवरच निकालाची टक्केवारी अवलंबून आहे.

ताज्या बातम्यांसाठी डाऊनलोड करा ई-सकाळचे ऍप   

कोरोनामुळे राज्यातील सर्वच विद्यापीठांच्या परीक्षांचे वेळापत्रक कोलमडून गेले होते. त्यामुळे निकाल कसा लावावा हे ठरविण्यासाठी उच्च व तंत्र शिक्षण विभागाने कुलगुरूंची समिती नेमली होती. या समितीने केलेल्या शिफारशीनुसार राज्य सरकारने अंतीम वर्ष वगळात इतर वर्षांची परीक्षा रद्द केली. ज्यांची परीक्षा रद्द झाली आहे, त्यांना पूर्वीचे गुण व अंतर्गत मूल्यमापनावर निकाल लावला जाईल असे स्पष्ट केले होते.

परीक्षा व मूल्यमापन मंडळाने याबाबत परिपरत्रक काढले असून, यामध्ये गणितीय सूत्र पद्धतीने विद्यापीठाच्या परीक्षा विभागाने निश्‍चित केले आहे. अंतिम वर्षातील विद्यार्थी वगळता अन्य विद्यार्थ्यांना उत्तीर्ण करण्यासाठी 50 टक्‍के अंतर्गत मूल्यामापन व 50 टक्‍के पूर्वीच्या सत्रातील परीक्षेचे गुण असे सूत्र क्षेणी देण्यासाठी ठरविण्यात आले. या सूत्रास विद्यापीठाच्या विद्या परिषद व व्यवस्थापन परिषद या अधिकार मंडळांनी मान्यता दिली आहे.

पुण्याच्या बातम्या वाचण्यासाठी येथे ► क्लिक करा

दरम्यान, त्यानुसार विद्यापीठाच्या प्रथम ते अंतिमपूर्व परीक्षांचे निकाल जाहीर करण्यात येणार आहे, अशी माहिती परीक्षा व मूल्यमापन मंडळाचे संचालक महेश काकडे यांनी दिली.

त्याचप्रमाणे महाविद्यालय स्तरावरील परीक्षा तसेच स्वायत्त व संलग्न महाविद्यालयाच्या परीक्षांच्या निकालासाठी अधिकार मंडळाने मान्यता दिलेल्या गणितीय सूत्रांचा वापर करण्यात यावा. विद्यापीठाने तयार केलेले गणितीय सूत्राचा तपशील प्रसिद्ध करण्यात आल्याने महेश काकडे यांनी स्पष्ट केले.