'या' कारणामुळे पिंपरी-चिंचवडमधील रेशन दुकानदार हवालदिल

पिंपरी : पंतप्रधान गरीब कल्याण धान्य योजनेअंतर्गत तसेच, प्राधान्य कुटुंब योजनेतील लाभार्थ्यांना एप्रिल, मे आणि जून महिन्यापर्यंत धान्य वाटप झाले. मात्र, त्याचे कमिशन मिळाले नसल्याने रास्त भाव धान्य दुकानदार हवालदिल झाले आहेत. 

ताज्या बातम्यांसाठी डाऊनलोड करा ई-सकाळचे ऍप   

शहर परिसरात पिंपरी (ज), चिंचवड (अ) आणि भोसरी (फ) असे तीन परिमंडल कार्यालय असून, त्याअंतर्गत सुमारे 300 रास्त भाव धान्य दुकाने कार्यरत आहेत. 'अ' विभागात 124, 'ज' विभागात 79 तर 'फ' विभागात 130 दुकाने आहेत. मात्र, त्यांना अद्याप या योजनांचे धान्य वाटपाचे कमिशन मिळाले नाही. ऑल महाराष्ट्र रेशनिंग शॉपकिपर असोसिएशनचे प्रदेश खजिनदार विजय गुप्ता म्हणाले, की केंद्र सरकारने पंतप्रधान गरीब कल्याण अन्न योजनेअंतर्गत विना रेशनकार्डधारक व्यक्तींना मोफत 5 किलो तांदूळ, 1 किलो चणा, असे धान्य वाटप करण्यात आले.

पिंपरी-चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा

प्राधान्य कुटुंब योजनेतील लाभार्थ्यांना देखील 5 किलो मोफत तांदूळ आणि 1 किलो डाळ वितरीत करण्यात आली. त्याचे वाटप जूनपर्यंत चालले. या धान्यासाठी प्रति 100 किलोमागे 150 रुपयांचे कमिशन मिळते. मात्र, धान्य वाटपाच्या कमिशनचे पैसे अद्याप मिळाले नाहीत. नियमित लाभार्थ्यांच्या धान्य वाटपाचे कमिशन धान्याच्या रकमेतूनच वळते करुन घेतले जाते. केशरी कार्डधारकांचेही धान्य वाटपाचे कमिशनची अडचण नाही. परंतु, गरीब कल्याण धान्य योजना आणि प्राधान्य कुटूंब योजनेतील धान्य वाटपाचे कमिशन लवकरात लवकर दिले जावे.