‘सहकार’मधील रोजगारावर संशोधन

पुणे - महाराष्ट्रात सहकारी बॅंका, पतसंस्था, कारखाने यांसह अनेक क्षेत्रांत सहकार क्षेत्र विस्तारलेले आहे; पण या सहकार क्षेत्रामुळे रोजगार किती निर्माण झाला, अर्थव्यवस्थेवर कसा परिणाम झाला, याचा अभ्यास केला गेलेला नाही, त्यामुळे सावित्रीबाई फुले पुणे विद्यापीठाच्या पद्मश्री डॉ. विखे पाटील सहकार अध्यासनाने सहकारी संस्थांमधून होणाऱ्या रोजगारनिर्मितीवर संशोधन प्रकल्प हाती घेतला आहे. 

ताज्या बातम्यांसाठी डाऊनलोड करा ई-सकाळचे ऍप

सावित्रीबाई फुले पुणे विद्यापीठातील विखे पाटील अध्यासनात नुकतीच मार्गदर्शक मंडळाची बैठक आयोजित करण्यात आली होती. या बैठकीला संशोधन अभ्यासासाठी निवडलेल्या नागरी सहकारी बॅंका व सहकारी पतसंस्थांचे प्रतिनिधी उपस्थित होते.

 मुंबई-पुणे एक्स्प्रेस वेवर भीषण अपघात; मृतदेहावरून गेली अनेक वाहनं

नागरी सहकारी बॅंका व सहकारी पतसंस्थांकडून संशोधनासाठी माहिती उपलब्ध करून दिली जाणार आहे. त्यामध्ये प्रत्यक्ष व अप्रत्यक्ष रोजगाराची संधी किती आहे, सहकारी संस्थांनी कर्ज दिलेल्या विविध व्यावसायिक संस्थांमधील नोकरीची संधी आणि त्याचा अर्थव्यवस्थेवर किती परिणाम झाला, याचा अभ्यास केला जाणार आहे. या माहितीचे विश्‍लेषण करून जो निष्कर्ष येईल त्याचा अहवाल निती आयोगाला सादर केला जाणार आहे. 

मार्गदर्शन मंडळात विद्यापीठाचे प्र-कुलगुरू प्रा. एन. एस. उमराणी, रिझर्व्ह बॅंकेचे संचालक सतीश मराठे, माजी सहकार आयुक्त मधुकर चौधरी, जनसेवा बॅंकेचे उपाध्यक्ष डॉ. राजेंद्र हिरेमठ आणि अमित ओझे यांचा समावेश आहे.  

अभ्यासात मुंबईतील सेंटर फॉर को-ऑपरेटिव्ह स्टडीज अँड रिसर्च इन को-ऑपरेशन या संशोधन संस्थेचा सहभाग असणार आहे, असे अध्यासनाचे प्रमुख प्रा. मुकुंद तापकीर यांनी सांगितले. मराठे यांनीही मार्गदर्शन केले.