दंडवसुलीने चालकांना धास्ती

RTO
RTO

पिंपरी - केंद्र सरकारने मागील आठवड्यापासून मोटार वाहन कायद्यात बदल केले आहे. त्यानुसार वाहतूक नियमांचे उल्लंघन करणाऱ्या वाहनचालकांना पूर्वीपेक्षा तिप्पट ते पाचपट दंड होणार आहे. राज्यात अद्याप या नियमांची अंमलबजावणी सुरू झाली नसली, तरी शहरातील वाहनचालकांनी मात्र नव्या नियमानुसार आकारल्या जाणाऱ्या भरमसाट दंडाची धास्ती घेतली असल्याचे दिसून येते.  

सुधारित दंडाच्या रकमेबाबत राज्य सरकारने अद्याप अधिसूचना प्रसिद्ध केलेली नाही. त्यामुळे सध्या पिंपरी-चिंचवडसह राज्यात जुन्या दराने दंडवसुली सुरू आहे. मात्र अनेक वाहनचालकांना याबाबतची कल्पना नाही. शहरात नवीन नियमानुसारच दंड आकारणी सुरू झाल्याचे वाहनचालकांचा समज असल्याने पूर्वीपेक्षा पाच ते दहापटीने आकारल्या जाणाऱ्या दंडाची वाहनचालकांनी धास्ती घेतली आहे. पूर्वी वाहतूक नियमांचे उल्लंघन करताना फारसा विचार केला जात नव्हता. शंभर अथवा दोनशे रुपये दंड भरून बिनधास्तपणे वाहन चालविणाऱ्यांचे प्रमाणही अधिक होते. मात्र आता दंडात मोठ्या प्रमाणात वाढ केल्याने हा दंड न परवडणारा आहे. त्यामुळे आता आर्थिक भुर्दंड सहन करावा लागणार असल्याने वाहतूक नियमांचे उल्लंघन करताना अनेकदा विचार केला जात आहे. चौकात वाहतूक पोलिस दिसताच दूर अंतरावरूनच धूम ठोकली जात आहे. 

दंडाच्या रकमेत बदल झाल्याने दंड आकारणीसाठी वापरल्या जाणाऱ्या ई-चलन स्वाइप मशिनमध्येही बदल करावे लागणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com