''राज्यातील घराणेशाही बदलण्यासाठी संभाजी बिग्रेडचा राजकीय जन्म''

पुणे - राज्यातील प्रस्थापित घराणेशाही बदलण्यासाठी संभाजी ब्रिगेडचा राजकीय जन्म झाला असल्याचे मत या संघटनेचे मुख्य प्रवक्ते प्रा. गंगाधर बनबरे यांनी सोमवारी (ता.30) पुण्यात बोलताना व्यक्त केले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आज पुण्यात संभाजी ब्रिगेडचा वर्धापनदिन साजरा करण्यात आला. त्यावेळी ते बोलत होते. छत्रपती संभाजी महाराजांच्या पुतळ्यास संभाजी ब्रिगेडचे प्रदेशाध्यक्ष मनोज आखरे यांच्या हस्ते पुष्पहार अर्पण करण्यात आला. यावेळी प्रदेश कोशाध्यक्ष संतोष गाजरे, प्रदेश संघटक संतोष शिंदे, पुणे उत्तर जिल्हाध्यक्ष चंद्रशेखर गाडगे, मध्य जिल्हाध्यक्ष उत्तम कामठे, शहराध्यक्ष अविनाश मोहिते, ठाणे विभागीय अध्यक्ष डॉ. योगेश पाटील, सूर्यकांत भोसले, नीलेश काळे, पुणे जिल्हा कार्याध्यक्ष प्रशांत धुमाळ, महिला जिल्हाध्यक्ष मोहिनी रणदिवे, गणेश चऱ्हाटे, संदीप लहाने पाटील, नीलेश काळे, विवेक कावरे आदी उपस्थित होते.

पदवीधर, शिक्षकांना मतदानासाठी विशेष रजा मंजूर होणार - शिक्षणाधिकारी

प्रा. बनबरे म्हणाले, 'संभाजी ब्रिगेडने 25 वर्ष समाजकारण केले. या कालावधीत राज्यातील गावागावात जाऊन प्रत्येक घराघरांत प्रबोधनाचा महासागर निर्माण केला. छत्रपती शिवाजी महाराज, फुले- शाहू- आंबेडकरांची विचारधारा लोकांच्या मनामध्ये रुजवली. मात्र आता राज्याला सामाजिक व राजकीयदृष्ट्या समृद्ध करण्यासाठी व प्रस्थापित घराणेशाही व्यवस्था बदलण्यासाठी संभाजी ब्रिगेडने राजकारणात प्रवेश केला आहे. सध्या अगदी गाव पातळीपासून विधिमंडळापर्यंत राजकीय स्पेस निर्माण करण्यासाठी संभाजी ब्रिगेडची घोडदौड सुरू आहे.''

कापुरव्होळ ज्वेलर्स दरोड्यासह चौदा गुन्ह्यातील आरोपी ताब्यात

रस्त्यावरचा विरोधी पक्ष म्हणून संभाजी ब्रिगेड लोकांच्या प्रश्नांसाठी संघर्ष करणार आहे. यासाठी तरुणांचे संघटन आहे. राज्याचे नेतृत्व तरुणांनी करावे, यासाठी संभाजी ब्रिगेडचा संघर्ष सुरू असल्याचे प्रदेशाध्यक्ष मनोज आखरे यांनी सांगितले. चंद्रशेखर घाडगे यांनी प्रास्ताविक केले. अविनाश मोहिते व उत्तम कामठे यांनी आभार मानले.

पुणे-जम्मूतावी दरम्यान आठ महिन्यानंतर ट्रेन धावणार

Edited By - Prashant Patil