SSC Results : आमच्या यशात ‘सकाळ’चाही मोलाचा वाटा

पुणे - दहावीच्या बदललेल्या अभ्यासक्रमामुळे ‘सकाळ’ने पुढाकार घेत अभ्यासमाला सुरू केली. ठिकठिकाणी कार्यशाळा घेण्यात आल्या. त्याचा फायदा असंख्य विद्यार्थ्यांना झाला आणि चांगले गुण मिळाले, असे सांगत आमच्या यशात ‘सकाळ’चाही वाटा आहे, अशा भावना दहावीतील गुणवंत विद्यार्थ्यांनी व्यक्त केल्या.

अद्वैत माळी (९०.४ टक्के) - ‘सकाळ’ने आयोजित केलेले सेमिनार मला खूपच फायदेशीर ठरले. पेपर सोडविण्याच्या पद्धती त्यात समजल्याने मला परीक्षेत चांगले गुण मिळविता आले. 

प्रथमेश निकम (९० टक्के) - दहावीचा अभ्यासक्रम बदलल्याने पेपर कसा असेल, याची उत्सुकता तर होतीच, त्याहून अधिक चिंतापण होती. पण ‘सकाळ’मध्ये अभ्यासमाला सुरू झाली, कृतिपत्रिका येऊ लागली आणि आमचा ताण कमी होत गेला. दररोज पेपरमधील कृतिपत्रिका सोडविल्यामुळे मला अधिक गुण मिळू शकले.

रिया बोडके (९२.४० टक्के) - नवीन अभ्यासक्रम असल्याने शाळेत गोंधळच होता; परंतु अभ्यासमालेमुळे पेपरचे स्वरूप समजले. प्रश्‍नपत्रिकेतील बारकावे समजलेच; पण पेपर सोडवायचा याचाही अंदाज आला. 

तनया टोळगे (९१ टक्के) - अभ्यासक्रम बदलल्याने परीक्षेबाबत संदर्भासाठी काहीच नव्हते. सकाळ अभ्यासमाला आणि सेमिनार, कृतिपत्रिकांचा उपयोग झाला. शाळेमध्येही पेपरमधील अभ्यासमालेचे कात्रण काढून त्याची पुस्तिका तयार करण्यास सांगितली होती. त्याचा उत्तरपत्रिका सोडविण्याच्या सरावासाठी खूप फायदा झाला.

अथर्व लोहार (८६ टक्के) - दहावीचा पूर्ण अभ्यासक्रम बदलला होता. त्यामुळे पेपर कसा येणार याची कोणतीच कल्पना नव्हती. परंतु ‘सकाळ’मध्ये अभ्यासमाला सुरू झाली, सेमिनार सुरू झाले. त्याची खूप मदत झाली.

‘सकाळ’मधील अभ्यासमालेमुळे आम्हाला परीक्षेचा अभ्यास कसा करावा, हे समजले. त्यानुसार आम्ही नियोजनबद्ध अभ्यास केला. अभ्यासमालेमुळेच मला एवढे गुण मिळू शकले.
- अथर्व नाईक (९२.८० टक्के)