मुळशीतील शिक्षक दामप्त्याचे कौतुक, पतीनंतर पत्नीचीही शाळा टॅबयुक्त 

पौड (पुणे) : राष्ट्रपती पदक विजेते मुख्याध्यापक संजीव बागूल यांनी दोन महिन्यांपूर्वी ते कार्यरत असलेली मुळशी तालुक्यातील कळमशेत येथील शाळा टॅबयुक्त केली. त्यानंतर अकोले (ता. मुळशी) येथील प्राथमिक शाळेत शिकविणाऱ्या त्यांच्या पत्नीच्या शाळेतील विद्यार्थ्यांना देखील त्यांनी टॅब मिळवून दिले आहेत. यामुळे आता अकोले येथील शाळाही आता टॅबयुक्त झाली आहे. 

खडकवासला प्रकल्पातील पाणीसाठ्यात एवढ्या टक्क्यांनी वाढ

कोरोनामुळे मुलांचा सध्या घरबसल्या ऑनलाइन अभ्यास सुरू आहे. मात्र, नेटवर्कची रेंज आणि खंडित वीज पुरवठ्यामुळे त्याच्या शिक्षणात अडथळा येतो. हे लक्षात घेऊन संजीव बागूल यांनी इन्स्टिट्यूट फॉर वूमन आंत्रप्रेनॉरियल या संस्थेकडून कळमशेतच्या कातकरी समाजातील सर्व मुलांना टॅब मिळवून दिले. त्यात चैतन्य सॉफ्टवेअरचा अभ्यासक्रमही डाउनलोड केला. त्यामुळे झोपडीतही ही मुले टॅबच्या साहाय्याने ज्ञानाचे धडे गिरवू लागली आहेत. 

पुण्याच्या इतर बातम्या वाचण्यासाठी येथे क्लिक करा

बागूल यांच्या पत्नी विद्या या अकोले येथील प्राथमिक शाळेत शिकवितात. येथील उपसरपंच बाळासाहेब कुरपे, माजी सरपंच बाळासाहेब जाधव यांच्या सहकार्याने ही शाळा देखील टॅबयुक्त करण्याचा निश्‍चय बागूल यांनी केला. इन्स्टिट्यूट फॉर वूमन आंत्रप्रेनॉरियल या संस्थेने पाच, तर रोटरी क्‍लब ऑफ पुणे सेंट्रलचे सदस्य नरेंद्र संघवी यांच्या प्रयत्नातून या शाळेसाठी पाच टॅब मिळाले. सामाजिक कार्यकर्ते गणेश कुरपे यांनीही वडिलांच्या स्मरणार्थ एक टॅब दिला. शाळेतील सर्व विद्यार्थ्यांना टॅब मिळाल्याने त्यांचा अभ्यासाचा मार्ग आता मोकळा झाला आहे. यामुळे या शिक्षक दामप्त्याचे तालुक्‍यात कौतुक होत आहे. 

पुणेकरांच्या आठवड्याची सुरवात ट्रॅफिक जॅमने

या टॅबचे वितरण गटशिक्षणाधिकारी माणिक बांगर यांच्या हस्ते झाले. या वेळी केंद्रप्रमुख मधुकर येनपुरे, प्रताप सुतार, अविनाश टेमघरे, लक्ष्मीताई सातपुते, बाळासाहेब कुरपे, मारुती कुरपे, दत्तात्रेय जाधव, बाळासाहेब जाधव, सुनील सातपुते, मधुकर सातपुते, संदीप सातपुते, गणेश कुरपे, मुख्याध्यापिका प्रभा परब, विद्या बागूल आणि ग्रामस्थ उपस्थित होते.