शिक्रापूरजवळ कार व बसचा भीषण अपघात

शिक्रापूर - पुणे-नगर महामार्गावर बजरंगवाडी (शिक्रापूर, ता. शिरूर) येथे काल रात्री (ता. १०) सव्वा अकराचे सुमारास कार आणि लक्झरीच्या भीषण अपघातात एकाचा मृत्यु तर २४ प्रवासी जखमी झाले. दोन्ही वाहानांच्या एकमेकांच्या धडकेनंतर बस एका बाजूला उलटली आणि घसरत एका हॉटेलच्या पार्किंगपर्यंत गेली. त्यामुळे पार्किंगमधील काही कारच्याही नुकसानी झाल्या. दरम्यान हा संपूर्ण अपघात सीसीटीव्हीत कैद झाला आहे. याबाबतीत शिक्रापूर पोलिस व स्थानिकांनी दिलेली अधिक माहिती अशी, काल रात्री सव्वा अकराचे सुमारास येथील बजरंगवाडी दरम्यान   पुण्याकडे जाणाऱ्या कारची (नंबर एम.एच./12/पी.एन./6728) कारचालक विशाल बबन सासवडे (वय ३४, रा. बजरंगवाडी) नगरकडे जाणाऱ्या लक्झरी बसला ( एम.एच/14/एच.यु./2265) रस्तादुभाजकाच्या पलिकडे जावून जोरदार धडकला. या धडकेने बस घसरून डाव्या बाजूने कलंडली व पुढे घसरत हॉटेल रॉयल पॅलेसच्या पोर्चपर्यंत जावून पोहचली. या दुर्घटनेत कारचालक विशाल बबन सासवडे याचा जागेवरच मृत्यू झाला.  मात्र जोरदार घसरून पडलेल्या बसमुळे २४ जण जखमी झाले.

सदर जखमींची नावे व इतर माहिती पुढीलप्रमाणे, दिपक नरेंद्र अगरवाल (वय 28 वर्शे, रा. अगरवालनगर धुळे), माणिकचंद चिमणलाल जैन, (वय 67 वर्शे, रा. शंकरशेठ रोड, पुणे, हरिषकुमार विजयनंद दुबे (वय 33, रा.दापोडी पुणे), शरयु मनिश जाखेटे (वय 22 रा. देवपुर धुळे ), प्रकाश आप्पासाहेब तुर्मतमक (वय 64, रा. मॉडेल कॉलनी पुणे ) पुजा किसन खैरनार, (वय 29, रा. केशवनगर मुंढवा पुणे), मुकेश वेदप्रकाष सुरवसे (वय 28, रा.म्हाडा कॉलनी औरंगाबाद), शितल दिपक चौघुले (वय 33, रा. धानोरी पुणे), कुशाग्र दिपक चौघुले (वय 8, रा. धानोरी पुणे), नागेष हरिभाऊ शिंगाडे (वय 48, रा.वारजे माळवाडी पुणे ), अशोक पुरूषोत्तम बोरसे (वय 65, रा.धायरी पुणे ), कल्पना अशोक बोरसे (वय 60, रा.धानोरी पुणे), तेहरिम सज्जाद अहमद मोमिन (वय 21, रा. मालेगाव नाशिक), फायझा फरहद षोएब अहमद मोमिन (वय 21, रा. मालेगाव नाशिक), कृतिका मधुकर पाटील (वय 23, रा.देवपुर धुळे), प्रणीत गोकुळ बागुल (वय 34, रा.आंबेगाव बुद्रुक, पुणे), समर्थ मिलींद वैद्य (वय 21, रा.साठेवाडा, एफसी रोड पुणे), रिटा संजय भगत (वय 40, रा. गुरूनानक सोसायटी धुळे), सौम्या संजय भगत (वय 15, रा.गुरूनानक सोसायटी धुळे), संदीप भरत षटकर (वय 35, रा.धायरी, पुणे), नंदीनी राजसाहेब वाघ, (वय 27, रा.विमाननगर पुणे), मोहम्मद युनुस इत्तेखार (वय 24, रा.मालेगाव, नाशिक ). दरम्यान गंभीर जखमी पुढीलप्रमाणे सोमनाथ गोरक्ष शेंडे (वय 32, रा. आडगाव, ता. पाथर्डी, जि. अहमदनगर), सोमनाथ मधुकर भोसले (वय 46, रा.श्रीगोंदा अहमदनगर), राजा भाईसाहेब सिंग (वय 42 , रा.भोसरी पुणे). दरम्यान या संपूर्ण अपघातास जबाबदार ठरलेल्या मृत विशाल सासवडेवर वेगवेगळ्या कलमाखाली गुन्हे दाखल केल्याची माहिती शिक्रापूर पोलिसांनी दिली.