Video : चिंचवडमध्ये बर्निंग कारचा थरार

पिंपरी : चिंचवड येथील ऑटो क्‍लस्टरसमोरील रस्त्यावर रविवारी (ता. 8) सायंकाळी साडेचारच्या सुमारास एका मोटारीने अचानक पेट घेतला. अग्निशामक दल घटनास्थळी दाखल झाले आणि आग आटोक्यात आणली. या अपघातात कोणतीही जीवितहानी झालेली नाही. 

‘ड्रंक अँड ड्राइव्ह’अंतर्गत १३ हजार वाहनचालकांवर कारवाई

ऑटो क्‍लस्टरकडून सेंट मदर टेरेसा उड्‌डाण पुलाच्या दिशेने मोटार (एमएच 12 एचएल 300) येत होती. तेव्हा मोटारीच्या इंजिनमधून धूर निघू लागला. त्यामुळे चालकाने मोटार तातडीने रस्त्यातच उभी करीत मोटारीतून तो बाहेर पडला. त्यानंतर काही मिनिटांत मोटारीने पेट घेतला. घटनास्थळी बघ्यांनी मोठ्या प्रमाणात गर्दी केली होती.

हे काय! पैशांअभावी बसथांब्यावरच झाली प्रसूती

दरम्यान, घटनेची माहिती मिळताच पिंपरीतील संत तुकारामनगर अग्निशामक दलाचे जवान घटनास्थळी दाखल झाले. त्यांनी काही वेळातच आग आटोक्‍यात आणली. या घटनेत मोटारीचे मोठ्या प्रमाणात नुकसान झाले. मोटारीच्या इंजिनमधील शॉर्टसर्किटमुळे आग लागल्याचा प्राथमिक अंदाज अग्निशामक दलाच्या अधिकाऱ्यांनी व्यक्त केला आहे. 

मेट्रो पिलरसाठी जिओ टॅगिंग लवकरच