आळंदीत विकासकामांच्या भूमिपूजनाचा धडाका | Sakal
sakal

बोलून बातमी शोधा

आळंदीत विकासकामांच्या भूमिपूजनाचा धडाका
आळंदीत विकासकामांच्या भूमिपूजनाचा धडाका

आळंदीत विकासकामांच्या भूमिपूजनाचा धडाका

sakal_logo
By

आळंदी, ता. १५ : नगरपरिषदेतील पाच वर्षांच्या कालावधीची मुदत संपण्याच्या मार्गावर असताना आळंदी नगरपरिषदेकडून शहरातील रस्ते विकासकामांना वेग आला. ठिकठिकाणचे कोटी कोटी रुपयांच्या निधीतून रस्त्यांच्या भूमिपूजनाचा धडाका सुरू आहे. काही नगरसेवक स्वखर्चाने रस्ते बांधत आहे. मात्र याचबरोबर कामाबाबतचा श्रेयवाद आळंदी पालिकेत पाहायला मिळत आहे.
पालिका कार्यालयाच्या मागील विशेष रस्ता अनुदानातून आळंदीतील पोलिस ठाणे ते खंडोबा मंदिरपर्यंतचा सुमारे सव्वा चारशे मिटर काँक्रिटीकरणाचे काम सुरू आहे. यासाठी एक कोटी तेहतीस लाख रुपये खर्च आहे. नगराध्यक्ष वैजयंता उमरगेकर आणि नगरसेविका सुनीता रंधवे यांनी रस्त्याचे भूमिपूजन केले. याचबरोबर विविध प्रभागातील गल्ली बोळातील रस्ते सिमेंट काँक्रिटीकरणाचे काम सुरू आहे. खास करून प्रभाग तिनमध्ये सध्या कामांचा जोर सुरू आहे. पाच वर्षात ज्याठिकाणी रस्ते विविध कारणांनी अडवून ठेवले होते. आता निवडणुकीच्या पार्श्वभूमीवर मतदारांच्या प्रश्नांना सामोरे जायला लागू नये यासाठी नगरसेवकही रस्ते, ड्रेनेजच्या कामासाठी आग्रही झाले. काहींनी तर स्वखर्चातून वीस लाख रुपये खर्चून रस्ते बनवत असल्याचा दावा करत आहेत. गेल्या पाच वर्षात रस्त्याची सुविधा पालिकेला देता आली नाही. आता मात्र निवडणुकीच्या तोंडावर मतदारांच्या प्रश्नांची सरबत्ती नको यासाठी स्वखर्चाने काही नगरसेवक रस्ता करून घेत आहेत.

बाह्यवळण मार्गाचे श्रेय कोणाला?
आळंदीत वाहतुकीच्या दृष्टीने सर्वात महत्त्वाचा मानला जाणारा भैरवनाथ चौक ते पद्मावती मंदिर आणि चाकण चौकातील वारकरी शिक्षण संस्था ते पद्मावती रस्ता जोडणाऱ्या बाह्यवळण मार्गाची निविदाप्रक्रिया झाली. सुमारे आठ कोटी अठरा लाख रुपये निधीतून तिर्थक्षेत्र विकास आराखड्यातून रस्ता केला जात आहे. मात्र यासाठी स्थानिक पातळीवर राष्ट्रवादी काँग्रेसनेच पाठपुरावा केल्याचा दावा आळंदीतील राष्ट्रवादीच्या पदाधिकाऱ्यांनी केला. यामधे माजी नगरसेवक डी. डी. भोसले, नगरसेवक प्रकाश कुऱ्हाडे, निस्सार सय्यद यांचा समावेश आहे. पालकमंत्री अजित पवार, आमदार दिलीप मोहिते यांच्या माध्यमातून शहरातील विविध विकास कामे मार्गे लागल्या राष्ट्रवादीच्या पदाधिकाऱ्यांचे म्हणणे आहे. नगराध्यक्ष वैजयंता उमरगेकर यांनी मात्र आम्हीच भाजपाच्या माध्यमातून रस्ता मार्गी लावल्याचा दावा केला आहे. यामुळे बाह्यवळण मार्गाच्या श्रेयाबाबत प्रत्यक्ष काम सुरू होण्याआधीच दावेबाजी दोन्ही बाजूने सुरू आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top