ढवळे, वढणे, बारभाई यांची निवड

सासवड शहर, ता. १३ : पुणे जिल्हा दिव्यांग व्यक्तींचे कल्याण व पुनर्वसन समिती जिल्हाधिकारी डॉ. राजेश देशमुख यांच्या अध्यक्षतेखाली स्थापन केली आहे. या समितीवर पुरंदर तालुक्यातून तिघांची वर्णी लागली आहे. या समितीमध्ये दिव्यांग संस्थेच्या प्रवर्गातून प्रहार अपंग संघटनेच्या महिलाध्यक्षा सुरेखा ढवळे यांची, नगरपालिका क्षेत्रातून सासवडचे माजी उपनगराध्यक्ष आणि बांधकाम समितीचे सभापती विजय वढणे व जेजुरी नगरपरिषदेचे राष्ट्रवादी कॉंग्रेसचे विरोधी पक्षनेते जयदीप बारभाई यांची निवड केली आहे. आमदार संजय जगताप यांच्या हस्ते नवनियुक्त सदस्यांना निवडीचे पत्र देवून सन्मानित केले. यावेळी कॉंग्रेसचे तालुकाध्यक्ष प्रदीप पोमण, संजय गांधी योजना समितीच्या अध्यक्षा सुनीता कोलते, कॉंग्रेसचे युवा सरचिटणीस गणेश जगताप आदी उपस्थित होते.