म्हाडातील भरतीसाठीच्या परीक्षेचे वेळापत्रक संकेतस्थळावर जाहीर | Sakal
sakal

बोलून बातमी शोधा

म्हाडातील भरतीसाठीच्या परीक्षेचे वेळापत्रक संकेतस्थळावर जाहीर
म्हाडातील भरतीसाठीच्या परीक्षेचे वेळापत्रक संकेतस्थळावर जाहीर

म्हाडातील भरतीसाठीच्या परीक्षेचे वेळापत्रक संकेतस्थळावर जाहीर

sakal_logo
By

पुणे, ता. १ : म्हाडामध्ये विविध पदांच्या भरतीसाठीचे परीक्षेचे वेळापत्रक संकेतस्थळावर जाहीर झाले आहे. त्यानुसार २९, ३० आणि ३१ जानेवारी आणि १ ते ३ फेब्रुवारी रोजी ही परीक्षा होणार आहे.
परीक्षेच्या आदल्या रात्री पेपर फुटीचा घोटाळा उघडकीस आल्यामुळे १२ डिसेंबर २०२१ रोजी होणारी परीक्षा रद्द करण्याची वेळ म्हाडावर आली होती. त्यानंतर ही परीक्षा जानेवारीमध्ये घेणार असल्याचे त्याच वेळी जाहीर करण्यात आले होते. त्‍यानुसार वेळापत्रक जाहीर केल्याने परीक्षार्थ्‍यांनी स्वागत केले आहे.
म्हाडाच्या विविध विभागातील १४४ पदांसाठी ५६५ रिक्त जागांसाठी ही भरती होत आहे. या परीक्षेसाठी दोन लाखांहून अधिक उमेदवारांनी अर्ज केले आहेत. परीक्षा काही तासांवर असताना अचानक रद्द केल्याने विद्यार्थ्यांनी संताप व्यक्त केला होता. गृहनिर्माण मंत्री जितेंद्र आव्हाड यांनी रात्री दोन वाजता परीक्षा पुढे ढकलली असल्याची माहिती ट्वीटवर दिली होती. तसेच व्हिडिओ माध्यमातून परीक्षार्थींची माफी मागितली होती. ही परीक्षा ऑनलाइन पद्धतीने होणार असून टीसीएस कंपनी घेणार आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top