बोरदरा येथे कासवाला जीवदान

आंबेठाण, ता. २७ : बोरदरा (ता. खेड) येथे नदीपात्र सोडून रस्त्यावर आलेल्या कासवाला स्थानिक तरुणांनी जीवदान दिले. सातीघर वस्तीकडे जाणाऱ्या पाणंद रस्त्यावर रात्री ग्रामस्थ जात असताना हे कासव सापडले. शांताराम गाडे, रत्नेश शेवकरी यांच्या रेस्क्यू टीमने कासवाला ताब्यात घेतले. बोरदरा येथील ग्रामस्थ दत्तात्रेय पडवळ, सागर पडवळ, गणेश साळुंखे, मारुती पडवळ, नानाभाऊ पडवळ, पप्पू पडवळ आदी उपस्थित होते.
अंदाजे पाच ते सहा वर्षे वयाचे हे कासव असल्याचे शांताराम गाडे यांनी सांगितले. वनविभागाच्या वतीने योगेश्वर पाटोळे यांनी हे कासव ताब्यात घेतले.