सादलगाव ग्रामपंचायतीच्या सरपंचपदी मिठे

आंधळगाव, ता. २० : सादलगाव (ता. शिरूर) ग्रामपंचायतीच्या सरपंचपदी खंडेराव मिठे यांची बिनविरोध निवड झाली आहे. अविनाश पवार यांनी पदाचा राजीनामा दिल्याने रिक्त जागेवर निवडणूक घेण्यात आली. निवडणूक निर्णय अधिकारी म्हणून मंडलाधिकारी पराग चव्हाण, तलाठी कपिल बोदरे व सहाय्यक म्हणून ग्रामसेवक सुनीता झाडगे यांनी कामकाज पाहिले.
मिठे यांचा सरपंचपदासाठी एकमेव अर्ज आल्याने त्यांची बिनविरोध निवड झाल्याचे निवडणूक अधिकाऱ्यांनी जाहीर केले. याप्रसंगी घोडगंगा कारखान्याचे माजी संचालक कांतिलाल होळकर, माजी सरपंच संतोष जगताप, उपसरपंच विद्या काशीद, महादेव होळकर, शिवाजी गायकवाड, हरिभाऊ चांदगुडे, निर्मला केसवड, वैशाली होळकर, अश्विनी केसवड, सुनील फराटे, महादेव निगडे, उद्धव गोसावी, काळुराम होळकर, संजय गायकवाड, संतोष माने, सखाराम होळकर, अमोल होळकर, संतोष ढवळे, बाळासाहेब जाधव, माऊली चांदगुडे, विलास शेळके, दत्तात्रेय शेळके, राजू गायकवाड, संजय केसवड, मानसिंग होळकर आदी उपस्थित होते.