मरकळला शिबिरात २३५ जणांचे रक्तदान

आळंदी, ता. ६ : मरकळ (ता. खेड) औद्योगिक नगरीमध्ये कामगार व महाराष्ट्र दिनाचे औचित्य साधून रक्तदान शिबिराचे आयोजन केले होते. त्यात सुमारे २३५ जणांनी रक्तदान केले. यावेळी प्रत्येक रक्तदात्यास प्रमाणपत्र व टोपी भेट देण्यात आली.
या शिबीराचे उद्‍घाटन मरकळ इंडस्ट्रीज असोसिएशनचे अध्यक्ष संदीप देवरे यांच्या हस्ते झाले. यावेळी पदाधिकारी मनीष कोटक, राकेश मित्तल, गौरव शहा, पशुपतिनाथ चौबे, शैलेंद्र मिश्रा व नवीन करनांनी आदी उपस्थित होते. शिबिर यशस्वी करण्यासाठी समीर शेळके, अतुल कोतवाल, वैभव ढोकले, राजू थोरवे, सागर चौधरी, पद्माकर कवडे व सुनील जाधव यांनी विशेष परिश्रम घेतले. शिबिरामध्ये मास फ्लॅज इंडिया, मोज्ज इंजिनिअरिंग, डायनक्सल मेटल्स या कंपन्यांनी सहभाग घेतला.