राजुरी येथे शोषखड्डयासाठी लागणाऱ्या साहित्याचे वाटप

आळेफाटा, ता. १४ : राजुरी (ता. जुन्नर) येथील ग्रामपंचायत व नाम फाउंडेशनच्या वतीने ८० लाभार्थींना शोषखड्डयासाठी लागणाऱ्या साहित्यांचे वाटप करण्यात आले. महाराष्ट्र ग्रामीण रोजगार हमी योजनेंतर्गत वैयक्तिक शोषखड्डा या लाभार्थींना या योजनेअंतर्गत नाम फाउंडेशनच्या वतीने रोजगार निर्माण करून देऊन त्यामध्ये ४×४ या मापाचा खड्डा तयार करून दहा फुटी पीव्हीसी पाइप, एक ड्रम, दोन एल्बो या साहित्याचे वाटप गावचे उपसरपंच ज्ञानेश्वर शेळके यांच्या हस्ते करण्यात आले. याप्रसंगी एम. डी. घंगाळे, शाकीर चौगुले, नीलेश हाडवळे, सखाराम गाडेकर, वसंत हाडवळे, नंदकुमार हाडवळे, देवराम फावडे, रविराज गाडगे, नितीन औटी, पाडुरंग हाडवळे उपस्थित होते. या शोषखड्डयांमुळे रोगराई तसेच डासांचे प्रमाण कमी होणार आहे.