चाळकवाडी येथील दोन दुकानांतून चोरी

आळेफाटा, ता. ४ : चाळकवाडी (ता. जुन्नर) टोलनाक्याजवळ असलेल्या दोन दुकानांचा पत्रा उचकटून चोरट्यांनी जवळपास एक लाख रुपये तीस हजार रुपये किमतीचा माल चोरल्याची घटना बुधवारी (ता. १) पहाटे तीन ते चार वाजण्याच्या सुमारास घडली. चाळकवाडी टोलनाक्याजवळ पुणे-नाशिक महामार्गालगत पत्र्याचे गाळे आहेत. त्यामध्ये शिवाजी काचळे यांचे शिव इलेक्ट्रॉनिक्स व श्‍याम जयराम यादव यांचे विघ्नहर्ता कार डेकोर, अशी दुकाने आहेत. बुधवारी पहाटे तीन ते चार वाजण्याच्या सुमारास चोरट्यांनी दोन्हीही दुकानांचा पाठीमागील बाजूने पत्रा उचकटला व सुमारे एक लाख तीस हजार रुपये किमतीचे इलेक्ट्रॉनिक्स व कार डेकोरचे साहित्य चोरून नेले.