बोरीत स्वामी समर्थ महाराजांचा अभिषेकस

आळेफाटा : बोरी बुद्रूक (ता.जुन्नर) येथील श्री स्वामी समर्थ सेवा, आध्यात्मिक विकास व बालसंस्कार केंद्रच्या (दिंडोरी प्रणीत) वतीने गुरुपौर्णिमा उत्सव मोठ्या आनंदात साजरा करण्यात आला. यावेळी अनेक स्वामी सेवेकरी व भक्तगण उपस्थित होते. यावेळी सकाळी भूपाळी आरती झाल्यानंतर श्री स्वामी समर्थ महाराजांचा अभिषेक व नैवेद्य आरती करण्यात आली. आरतीनंतर गुरुपौर्णिमा व मानवी समस्या व नित्यसेवा कशी करावी यावर मार्गदर्शन करण्यात आले. गुरुपौर्णिमेनिमित्त गुरुपद घेण्याकरिता असंख्य भाविकांची गर्दी झाली होती. त्यानंतर आलेल्या भाविकांना गुरुपौर्णिमेचे महत्त्व आणि स्वामींना गुरू का करावे, दिंडोरी प्रणीत मार्गाची वैशिष्ट्ये, मानवी समस्या यावर मार्गदर्शन करण्यात आले.