अवसरीतील कार्यालयातून ‘डीजे’च्या मशनरींची चोरी

पारगाव, ता. ३० : अवसरी बुद्रुक (ता. आंबेगाव) येथील यशोदीप गार्डन मंगल कार्यालयाच्या आवारात असलेल्या डीजे व बेंजो ग्रुपच्या रथातील साउंड सिस्टीमच्या इम्पलीफायर व इतर एकूण सहा मशिनरी, असा एकूण सुमारे तीन लाख ६१ हजार रुपये किमतीचे ऐवज चोरट्यांनी वायर तोडून चोरून नेल्या.
यशोदीप गार्डन मंगल कार्यालयाचे मालक संजय चव्हाण व दत्तात्रेय हिंगे यांचा दिनेश डिजिटल स्वरगंधर्व बेंजो ग्रुप डीजे रथ आहे. त्यावर लाखो रुपये किमतीच्या साउंड सिस्टीमच्या मशिनरी बसविल्या आहेत. गुरुवारी (ता. २८) रात्री मंगल कार्यालयाच्या आवारात रथ उभा केला होता. शुक्रवारी सकाळी रथातील साउंड सिस्टमच्या इम्पलीफायर व इतर एकूण सहा मशिनरी, असा एकूण सुमारे तीन लाख ६१ हजार रुपये किमतीचे ऐवज चोरट्यांनी वायर तोडून चोरून नेल्याल्याचे निदर्शनास आले. चोरट्यांनी मंगल कार्यालयाच्या तारेच्या जाळीचे कुंपण कट करून कार्यालयामध्ये प्रवेश करून चोरी केली आहे.