माळीमळा स्मशानभूमीत उभारले शेड

पारगाव, ता. ६: धामणी (ता. आंबेगाव) येथील माळीमळा वैकुंठधाम स्मशानभूमीमध्ये नागरिकांना बसण्यासाठी शेड बांधण्यात आले आहे, तसेच परिसराची सुधारणा करण्यात आली आहे.
पंचायत समितीचे माजी सदस्य रवींद्र करंजखेले यांनी पंचायत समिती मार्फत २ लाख रुपयांचा निधी उपलब्ध केला. उद्योजक ज्ञानेश्वर विधाटे यांनी वडील दिवंगत नानाभाऊ विधाटे यांच्या स्मरणार्थ व बाळासाहेब विधाटे यांनी वडील दिवंगत तुकाराम विधाटे यांच्या स्मरणार्थ १० लाख रुपये खर्च केला. या स्मशानभूमीसाठी ग्रामपंचायतीने भराव, शवदाहिनी आदींसाठी सुमारे अडीच लाख रुपये खर्च केला असल्याचे सरपंच सागर जाधव यांनी सांगितले.