पहाडदऱ्यातील नागरिकांसाठी ''भीमाशंकर''तर्फे पाण्याचा टँकर

पारगाव, ता. ११ : पहाडदरा (ता. आंबेगाव) येथील नागरिकांसाठी भीमाशंकर सहकारी साखर कारखान्याच्या वतीने पाण्याचा टँकर सुरू केल्याची माहिती सरपंच राजश्री संतोष कुरकुटे यांनी दिली.
तालुक्याच्या पूर्व भागातील पहाडदरा हे दुर्गम गाव आहे. यावर्षी पाऊस कमी झाल्याने परिसरातील विहिरी, बोअरवेल कोरडे पडले आहेत. पाण्यासाठी नागरिकांना वणवण भटकावे लागत आहे. यामुळे जिल्हा परिषदेचे माजी उपाध्यक्ष विवेक वळसे पाटील, भीमाशंकर कारखान्याचे अध्यक्ष बाळासाहेब बेंडे, संचालक प्रदीप वळसे पाटील यांच्या प्रयत्नातून भीमाशंकर सहकारी कारखान्याच्या वतीने परिसरासाठी पाण्याचा टँकर सुरू करण्यात आला आहे. याबाबत खरेदी विक्री संघाचे अध्यक्ष भगवान वाघ, माजी उपसरपंच विलास पडवळ, संतोष कुरकुटे, सहकारी सोसायटीचे अध्यक्ष मच्छिंद्र वाघ यांनी पाठपुरावा केला.

00982