निरगुडसर येथे उद्या कीर्तन, शेतकरी मेळावा

पारगाव, ता. ११ : निरगुडसर (ता. आंबेगाव) येथे माजी आमदार सहकारमहर्षी स्वर्गीय दत्तात्रेय गोविंदराव वळसे पाटील यांच्या २४व्या पुण्यतिथीनिमित्त शुक्रवारी (ता. १३) भास्कर महाराज रसाळ (नाशिक) यांचे कीर्तन व शेतकरी मेळाव्याचे आयोजन केले आहे. याबाबत भीमाशंकर साखर कारखान्याचे अध्यक्ष बाळासाहेब बेंडे यांनी माहिती दिली की, १३ मे हा दिवस दत्तात्रेय वळसे पाटील यांचा स्मृतीदिन स्फूर्तीदिन म्हणून साजरा करण्यात येतो. त्यानुसार शुक्रवारी सायंकाळी साडेपाच वाजता निरगुडसर येथील पंडित जवाहरलाल नेहरू माध्यमिक विद्यालय व द. गो. वळसे पाटील उच्च माध्यमिक विद्यालयाच्या प्रांगणात रसाळ यांचे कीर्तन व शेतकरी मेळावा आयोजित केला आहे.