धामणीत रंगला दिंड्यांचा सोहळा

पारगाव, ता. १० : धामणी (ता. आंबेगाव) येथे आषाढी एकादशी निमित्त दिंडी सोहळ्याचे आयोजन करण्यात आले. सोहळ्यात अंगणवाडी, जिल्हा परिषद प्राथमिक शाळा व शिवाजी विद्यालय ज्युनिअर कॉलेज या तीनही शाळांनी सहभाग घेतला. संत व वारकऱ्यांची वेशभूषा, डोक्यावर तुळशीचे वृंदावन, ओठांवर अभंग अशा भक्तीमय वातावरणात दिंडी सोहळा पार पाडला. याप्रसंगी सरपंच सागर जाधव, रवींद्र करंजखेले, अक्षय विधाटे, मच्छिंद्र वाघ, अनुराधा कथले, दत्तात्रय गायकवाड, महेश्वरी आळेकर, सुजाता पंचराज तसेच सर्व शिक्षक, पालक व ग्रामस्थ उपस्थित होते.