घाटघर येथे आज आदिवासी महोत्सव

आपटाळे, ता. ७ : घाटघर (ता. जुन्नर) येथे रविवारी (ता. ८) आदिवासी मावळ महोत्सवाचे आयोजन केले आहे. त्यानिमित्त विविध कार्यक्रम आयोजित केले आहेत.
यानिमित्ताने सकाळी दहा वाजता आद्यक्रांतिकारक बिरसा मुंडा व राघोजी भांगरे यांच्या प्रतिमेचे पूजन, सकाळी साडेदहा वाजता पारंपारिक आदिवासी लेझीम नृत्य, दुपारी बारा वाजता मोफत आरोग्य तपासणी व संगीत भजन कार्यक्रम, सायंकाळी ५ वाजता आद्यक्रांतिकारकांच्या प्रतिमांची मिरवणूक व आदिवासी लोकनृत्य व पारंपारिक गीतांचा कार्यक्रम, रात्री ८ वाजता आदिवासी संस्कृती व संवर्धन या विषयांवर व्याख्यान व मनोरंजनाचा कार्यक्रम आहे, असे नॅशनल आदिवासी पीपल्स फेडरेशनचे अध्यक्ष मारुती वायाळ यांनी सांगितले.