भाजप युवा मोर्चाच्या इंदापूर तालुकाध्यक्षपदी देवकाते

भिगवण, ता. १२ : इंदापूर तालुका भाजप युवा मोर्चाच्या अध्यक्षपदी तेजस देवकाते यांची निवड करण्यात आली आहे. त्यांच्या निवडीचे पत्र नुकतेच माजी सहकार व संसदीय कार्यमंत्री हर्षवर्धन पाटील यांचे हस्ते प्रदान करण्यात आले. इंदापूर तालुका भाजपची भाजप युवा मोर्चाच्या पदाधिकारी निवडीची बैठक नुकतीच झाली. या वेळी इंदापूर तालुका भाजपचे अध्यक्ष शरद जामदार उपस्थित होते. याप्रसंगी देवकाते म्हणाले, हर्षवर्धन पाटील यांच्या मार्गदर्शनाखाली आगामी काळात युवक संपर्क अभियान राबविणार असून त्यांनी पक्षाशी जोडण्याचे काम करणार आहे.