ई-मोबिलीटीच्या प्रसारासाठी कार्यशाळा

भोर, ता. ५ : सीएससी ई- गर्व्हनन्स सर्व्हिसेसने इलेक्ट्रिक वाहनांना चांगली सर्व्हिस देऊन ई-मोबिलीटीचा प्रसार करावा, असे आवाहन सीएससीचे अधिकारी गौरव चौधरी यांनी केले.

सीएससी ई- गर्व्हनन्स सर्व्हिसेस इंडिया लिमिटेडच्या वतीने पुण्यातील मराठा चेंबर ऑफ कॉमर्सच्या सभागृहात आयोजित करण्यात आलेल्या ई-मोबिलिटी कार्यशाळेत ते बोलत होते. ग्रामीण भागातील नागरिकांमध्ये ई-मोबिलीटीचा प्रचार आणि जनजागृती करण्यासाठी या ई-मोबिलीटी कार्यशाळेचे आयोजन करण्यात आले. सीएससीच्या ग्रामीण ई-स्टोअरच्या माध्यमातून इलेक्ट्रीक दुचाकी, चारचाकी मोटारी, ऑटो रिक्षा आणि ट्रॅक्टर यांचे बुकिंग आणि इतर सेवासंबंधी सर्व माहिती देण्यात आली. या कार्यशाळेत गौरव चौधरी यांच्यासह सीएससी स्टेड हेड वैभव देशपांडे व समीर पाटील, ग्रामीण ई-स्टोअरचे महाराष्ट्र राज्याचे प्रमुख मुकेश शर्मा, इमाम मुल्ला, विकास भडेकर आणि सीएससीचे जिल्हा व्यवस्थापक विकास कुमार उपस्थित होते.