बारामतीत हुतात्मा स्तंभाला वंदन

बारामती, ता. ६ : येथे क्रांती दिनानिमित्त भिगवण चौकातील हुतात्मा स्तंभाला मंगळवारी (ता. ९) वंदन केले जाणार आहे. बारामती तालुका स्वातंत्र्यसैनिक संघटना व स्वातंत्र्यसैनिक उत्तराधिकारी यांच्या वतीने सकाळी दहा वाजता कार्यक्रमाचे आयोजन केल्याची माहिती नीलेश कोठारी यांनी दिली. १९४२ मध्ये ऑगस्ट क्रांती मैदानातून भारत छोडोचा नारा दिला गेला. महात्मा गांधीजींनी याच दिवशी चलेजावच नारा दिला होता. त्यामुळे मंगळवारी बारामतीकरांनी या कार्यक्रमास उपस्थित राहण्याचे आवाहन केले आहे.