कडाचीवाडीत तरुणावर बलात्कारप्रकरणी गुन्हा

चाकण, ता. २० : कडाचीवाडी (ता. खेड) येथील एका तीस वर्षीय विवाहित महिलेवर गेल्या वर्षापासून बलात्कार केल्याप्रकरणी आरोपी सत्यम दत्तात्रेय कड (वय २३, रा. कडाचीवाडी) याच्यावर गुन्हा दाखल केला. तो फरारी असून, पोलिस त्याचा शोध घेत आहेत. याप्रकरणी विवाहितेने पोलिसांत फिर्याद दिली आहे, अशी माहिती वरिष्ठ पोलिस निरीक्षक वैभव शिंगारे व उपनिरीक्षक विक्रम गायकवाड यांनी दिली.