पोहणे शिकताना मुलाचा बुडून मृत्यू

देऊळगाव राजे, ता.२७ : देऊळगाव राजे (ता. दौंड) येथील अथर्व दिलीप पोळ (वय १५) या मुलाचा शुक्रवारी (ता. २७) पाण्यात बुडून मृत्यू झाला. अथर्व हा गावातील भूषण गिरमकर यांच्या शेतातील विहीरीवर शुक्रवारी तीन वाजण्याच्या दरम्यान मित्रांसोबत पोहायला शिकायला गेला होता.पोहताना त्याच्या पाठीवरील ड्रम निसटला. यामुळे त्याचा पाण्यात बुडून मृत्यू झाला. दौंड पोलिसांनी आकस्मित मृत्यूची नोंद केली आहे. पुढील तपास सहाय्यक फौजदार संतोष शिंदे करीत आहेत.