रामचंद्र केंजळे यांचे निधन

गुळुंचे, ता. ९ : वयाच्या ७७व्या वर्षी अनवाणी गिरनार पर्वत चढणाऱ्या व त्र्यंबकेश्वर ब्रह्मगिरी पर्वतावर २४ किलोमीटरची प्रदक्षिणा अनवाणी घालत चालण्याचे फायदे तरुणाईला सांगणाऱ्या सेवानिवृत्त प्राथमिक शिक्षक रामचंद्र केंजळे यांचे नुकतेच निधन झाले. ते गुळुंचे (ता. पुरंदर) येथील मंदिरात अभिषेक करायचे. त्यांनी पुरंदर तालुक्यातील राख, मांडकी या गावात प्राथमिक शिक्षक म्हणून सेवा बजावली. स्वावलंबी शिक्षणावर त्यांचा भर होता. महात्मा गांधी यांच्या सत्य, अहिंसा, साधी राहणी उच्च विचारसरणी या विचारांचा त्यांच्यावर प्रभाव होता.