‘पुरंदर प्रतिष्ठान’च्या पुरस्कारांचे आज वितरण

गराडे, ता. १२ : ‘पुरंदर प्रतिष्ठान’च्या वतीने शनिवारी (ता. १४) पुरंदर किल्ल्यावर छत्रपती संभाजी महाराज जयंती उत्सवाचे आयोजन केले आहे. या निमित्ताने सामाजिक, शैक्षणिक, राजकीय, व्यावसायिक तसेच विविध क्षेत्रातील नावीन्यपूर्ण व चमकदार कामगिरी करणाऱ्या संस्था व व्यक्तींना ‘छत्रपती संभाजी महाराज पुरस्कार’ देऊन सन्मानित करण्यात येणार आहे, अशी माहिती पुरंदर प्रतिष्ठानचे संस्थापक-अध्यक्ष प्रशांत पाटणे व उत्सव प्रमुख प्रदीप बोरकर यांनी दिली.
छत्रपती संभाजी महाराज पुरस्कार पुढीलप्रमाणे : सर्वोत्कृष्ट संस्था- ग्रामीण संस्था पुरंदर-हवेली (अध्यक्षा, राजवर्धिनी संजय जगताप), कोविड-१९ मध्ये समाजासाठी विशेष कामगिरी करणाऱ्या संस्था- सद्गुरू शंकर महाराज समाधी ट्रस्ट धनकवडी (पुणे), पारनेरचे आमदार नीलेश लंके, पुण्याचे माजी नगरसेवक वसंत मोरे.
छत्रपती संभाजी महाराज पुरस्कार विजेते : पुरंदररत्न पुरस्कार- पुणे जिल्हा बँकेचे अध्यक्ष डॉ. दिगंबर दुर्गाडे, उद्योग प्रेरणा पुरस्कार- एस फॅमिली, उत्कृष्ट प्रशासकीय सेवारत्न- अतिरिक्त पोलिस अधिकारी रायगड अतुल झेंडे, उत्कृष्ट खिलार संवर्धन पुरस्कार- उद्यान पंडित शशिकांत शंकर पुदे, समाजरत्न पुरस्कार- राष्ट्रशक्ती संघटना (अध्यक्ष, माउली दारवटकर), कृषिरत्न पुरस्कार- प्रगतशील शेतकरी- समीर उत्तम काळे, उद्योगरत्न पुरस्कार- महेश रवींद्र कामथे, सामाजिक कार्यकर्ता रत्न पुरस्कार- मातोश्री सामाजिक महिला विकास संस्था (अश्विनी नागेश वाघ), पर्यावरण रक्षण पुरस्कार- जय मल्हार फाउंडेशन जेजुरी, शाहीररत्न पुरस्कार- शाहीर सुरेश धुमाळ, कलारत्न पुरस्कार- मॉर्डन कॉलेज ऑफ आर्ट्स सायन्स अँड कॉमर्स पुणे, सोशल मीडिया पुरस्कार- खिल्लार महाराष्ट्राची शान (सूरज सुधाकर दिघे), कृषिरत्न पुरस्कार- पुरंदर हायलँड्स फार्मस प्रोडूसर कंपनी लिमिटेड पुरंदर, गडकिल्ले संवर्धन पुरस्कार- सह्याद्री प्रतिष्ठान महाराष्ट्र, पर्यावरण रत्न पुरस्कार- पर्यावरण शास्त्रज्ञ डॉ. सचिन अनिल पुणेकर, विशेष कार्य गौरव पुरस्कार- मास्टर माईंड योगेश धुमाळ आणि अखिल भारतीय मराठा महासंघ महिला अध्यक्ष पुरंदर राधिका अशोक कटके.
पुरंदर प्रतिष्ठानच्या वतीने किल्ले पुरंदरवर महाराष्ट्रातून शंभू ज्योत घेऊन येणाऱ्या शंभूभक्तांना १३ मे रोजी रात्रभर व १४ मे रोजी दिवसभर महाप्रसादाचे आयोजन केले आहे.