''दिगंबरा दिगंबरा''चा जयघोष

गराडे, ता. १३ : नारायणपूर (ता. पुरंदर) येथे गुरुपौर्णिमेनिमित्त पहाटे देवांना रुद्राभिषेक घालण्यात आला. त्यानंतर आरती, त्यानंतर होम हवन झाली. महर्षी व्यास यांच्या पादुकांचे दुपारी पूजन नारायणमहाराज यांच्या मार्गदर्शनाखाली पोपट महाराज टेंबे यांच्या हस्ते करण्यात करण्यात आले. यावेळी ''दिगंबरा दिगंबराचा'' जयघोष करण्यात आला.
गुरुपौर्णिमेनिमित्त लोणी काळभोर येथील मोहन काळभोर, देवाची उरुळी येथील कमलाकर साळुंखे, नायगाव येथील महेश लोखंडे व चिखली येथील मयूर पवार या यात्रेकरूंच्या हस्ते नारायण महाराज यांचे पूजन करण्यात आले. मंदिरात फुलांची सजावट करण्यात आली होती.
पहाटेपासून पावसाने हजेरी लावली असतानाही भाविकांची मोठी गर्दी केली होती. साधारण लाखभर भाविकांनी दर्शनाचा लाभ घेतला असल्याचे मंदिराचे व्यवस्थापक भरतनाना क्षीरसागर यांनी सांगितले.
यावेळी आमदार संजय जगताप, माजी आमदार उल्हास पवार, दादा वेदक, बाळासाहेब सोळसकर, नितीन भरगुडे पाटील, उद्योजक रामदास मेमाणे, पंढरपूर देवस्थानचे चेअरमन, मोरगाव देवस्थानचे गजानन पुजारी, बबनराव टकले, एम. के. गायकवाड, तात्यासाहेब भिंताडे, रवींद्र ताकवले, बाळासाहेब भिंताडे, अभिषेक भिंताडे, रामभाऊ बोरकर, अजित बोरकर, दादा भुजबळ आदी उपस्थित होते.

05397