जुन्नर खरीप हंगाम आढावा बैठक

ट्रॅक्टर, रोटावेटर अवजारांचे
जुन्नरमध्ये शेतकऱ्यांना वाटप

जुन्नर, ता.९ : ग्रामीण रोजगार हमी योजनेंतर्गत कृषी विभागाने तालुक्यात फळबाग लागवड, गांडूळ खत युनिट, विहीर पुनर्भरण, शेततळे आदी योजना मोठ्या प्रमाणात राबवाव्यात, असे आवाहन आमदार अतुल बेनके यांनी येथे केले.
कृषी विभागाच्या राष्ट्रीय कृषी विकास योजना व कृषी यांत्रिकीकरण अभियान योजनेतील सोडत पद्धतीने निवड झालेल्या शेतकऱ्यांना प्रातिनिधिक स्वरूपात ट्रॅक्टर व रोटावेटर अवजारांचे वाटप आमदार बेनके यांच्या हस्ते करण्यात आले.
तालुका कृषी विभागाच्या वतीने पंचायत समितीमध्ये खरीप हंगाम पूर्व नियोजन बैठकीचे आयोजन केले होते. माजी सभापती विशाल तांबे, बाजीराव ढोले, तहसीलदार रवींद्र सबनीस, गटविकास अधिकारी शरदचंद्र माळी, तालुका कृषी अधिकारी सतीश शिरसाठ व कृषी विभागाचे कर्मचारी यावेळी उपस्थित होते.

कृषी विभागाने शेतकऱ्यांना शेती शाळेतून शेतीच्या आधुनिक तंत्रज्ञानाची माहिती द्यावी, असे शरद लेंडे यांनी यावेळी सांगितले. कृषी अधिकारी नीलेश बुधवंत यांनी प्रास्ताविक केले. कृषी अधिकारी बापू रोकडे यांनी सूत्रसंचालन केले.

03784