जुन्नर येथील अपघातात पती ठार, पत्नी जखमी

जुन्नर, ता. ६ : नारायणगाव-जुन्नर रस्त्यावर गुरुवारी (ता. ५) रात्री मोटारीची धडक बसल्याने झालेल्या अपघातात मोटारसायकलस्वार नवनाथ गजानन मिंढे यांचा मृत्यू झाला; तर त्यांची पत्नी सुनंदा या गंभीर जखमी झाल्या आहेत.
मिंढे पती-पत्नी आपल्या मोटरसायकलवरून (क्रमांक एमएच १४ डीआर ८३४१) जुन्नरला येत असताना पाठीमागून भरधाव येत असलेल्या इंडिका मोटारीची (क्रमांक एमएच १५ सीएम ४२१४) त्यांच्या मोटारसायकलीस जोराची धडक बसली. त्यात नवनाथ मिंढे यांचा मृत्यू झाला; तर सुनंदा या गंभीर जखमी झाल्या. याबाबत बाळासाहेब मिंढे यांनी दिलेल्या फिर्यादीनुसार, सुनील अशोक चिखले (रा. नांदूर, ता. आंबेगाव) यांच्याविरुद्ध पोलिसांनी गुन्हा दाखल केला आहे.